Ən çox izlənən videolar

Kunq-Fu üzrə turnir keçirildi (VİDEO)

Hövsan Olimpiya İdman Kompleksində Azərbaycan Kunq-fu Federasiyasının və “Şərur” idman klubunun birgə təşkilatçılığı ilə 20 Yanvar şəhidlərinin xatirəsinə həsr olunmuş kunq-fu üzrə açıq respublika turniri keçirilib. Döyüşlərdən əvvəl Azərbaycanın Dövlət himni səsləndirilib və şəhidlərin xatirəsi bir dəqiqəlik sükutla yad edilib. Daha sonra rinq döyüşçülərin ixtiyarına verilib. Təşkilatçılar növbəti illərdə bu yarışı beynəlxalq səviyyədə keçirməyi düşünür. 

Gecənin ən maraqlı döyüşlərindən biri 60 kiloqram çəki dərəcəsində baş tutub. Bu çəkidə Ceyhun Xalıqlı Murad Qasımova qalib gələrək turnirin ali mükafatına yiyələnib. Ən ağırların görüşü Yadigar Tofidinin zəfəri ilə başa çatıb. Yadigar həlledici qarşılaşmada Cahangir Qasımovu üstələyib. Əfqan Səfixanov 90 kiloqramda Əjdər Əkbərovdan güclü olub. Ruslan hüseynovla Cavid Əliyevin döyüşü birincinin qələbəsi ilə nəticələnib. Qeyd edək ki, turnirdə ümumilikdə 300 idmançı birincilik uğrunda mübarizə aparıb.

Bu kateqoriyadan digər videolar
Digər videolar