Azərbaycan şahmatçıları Ukrayna və Ermənistana qalib gələ bilmədi

Azərbaycan şahmatçıları Ukrayna və Ermənistana qalib gələ bilmədi

Oktyabrın 4-də Gürcüstanın Batumi şəhərində keçirilən 43-cü Ümumdünya Şahmat Olimpiadasında onuncu turun partiyaları oynanılıb.

Onuncu turda Azərbaycanın kişilərdən ibarət komandası Ukrayna millisinə məğlub olub – 1,5:2,5. Görüşdə Şəhriyar Məmmədyarov Vasili İvançuk, Teymur Rəcəbov Pavel Elyanov, Rauf Məmmədov Ruslan Ponomaryov ilə xalları yarı bölüblər. Digər şahmatçımız Arkadi Naydiç isə Yuri Krivoruçkaya uduzub.

Aktivində 16 xal olan Polşa yığması hazırda Olimpiadada vahid liderdir. Polyaklardan bir xal geri qalan ABŞ və Çin yığmaları ikinci-üçüncü pilləni bölüşürlər. Azərbaycan komandası 13 xalla on üçüncüdür.

Qadın şahmatçılarımız isə Ermənistan komandası ilə heç-heçə ediblər – 2:2. Şahmatçılarımızdan Günay Məmmədzadə Elina Danilyan, Zeynəb Məmmədyarova Lilit Mkrtçyan, Xanım Balacayeva Anna Sarqisyan, Gülnar Məmmədova isə Mariya Kursova ilə xalları yarı bölüblər.

Çin millisi 16 xalla Olimpiadada birinci pillədə qərarlaşıb. Hesabında 14 xal olan Azərbaycan altıncıdır.

Ümumdünya Şahmat Olimpiadası oktyabrın 5-də yekunlaşacaq.

Digər xəbərlər
Bu gün
Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə