İrəvan Moskva qarşısında geri çəkildi

İrəvan Moskva qarşısında geri çəkildi
Paşinyan hakimiyyətinin həbs etmək istədiyi Yuri Xaçaturov Moskvaya - işinin başına qayıtdı

Ermənistanın yeni hökuməti Rusiyanın sərt mövqeyi və Kremldən ard-arda gələn bəyanatlar qarşısında geriyə addım atmağa məcbur olub.

Baş qərargahı Moskvada yerləşən Kollektiv Təhlükəsizlik Müqaviləsi Təşkilatının (KTMT) saytında bu qurumun Yerevanda həbsdə olmuş baş katibi Yuri Xaçaturovun Rusiya paytaxtına gəldiyi və öz səlahiyyətlərinin icrasına başladığı bildirilir.

KTMT-nin mətbuat katibi Vladimir Zaynetdinov da bu məlumatı təsdiqləyərək əlavə edib ki, avqustun 4-dən təşkilatın Ermənistandan olan baş katibi Moskvaya gələrək öz vəzifələrinin icrasına başlayıb.

Ermənistanın Xüsusi Təhqiqat Xidmətinin Xaçaturova qarşı irəli sürdüyü ittihamda deyilir ki, o, 2008-ci il martın 1-də Ermənistan silahlı qüvvələrinin Yerevan qarnizonunun komandanı olduğu vaxt konstitusiya quruluşunu pozub və etiraz aksiyası zamanı insanların qətlə yetirilməsinə rəhbərlik edib. KTMT-nin baş katibi həbs edilib, sonra girov müqabilində və istintaqla əməkdaşlıq etməsi şərti ilə azadlığa buraxılıb. Diqqəti cəlb edən məqam ondan ibarətdir ki, Xaçaturovun həbsdən azad edilməsi Moskvanın kəskin bəyanatlarından sonra baş verib.
 

Digər xəbərlər
Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə